Руски комичари Вован (Владимир Кузенцов) и Лексус (Алексеј Столаров), на кои македонскиот премиер Зоран Заев им е најновата „жртва“ во интервју за „Руска реч на македонски“ од пред неколку години не сакаат да ги откријат сите детали за тоа како успеваат да се јават на шефовите на држави, но општата шема изгледа вака: до самиот врв тие стигнуваат преку долгата низа луѓе, почнувајќи од најниските ешалони.
„Има луѓе кои се подготвени да ни помогнат“, раскажува Кузенцов.
Понекогаш користат други личности.
„Телефонот на Џон Мекејн, на пример, успеавме да го најдеме со помош на Саакашвили (поранешниот претседател на Грузија, губернатор на Одеса), вели Столаров.
Во интервјуто тие велат и дека се патриоти и ја поддржуваат политиката на рускиот претседател Владимир Путин, но дека не работат за државата, а по координатите на познати личности трагаат сами или со помош на „пријатели“.
На гласините за врски со разузнавачи реагираат со иронија.
ПОВРЗАНИ ВЕСТИ
(АУДИО) Руски комичари три пати разговарале со Заев преставувајќи му се како Порошенко и Столтенберг
Заев на „лажните“ Порошенко и Столтенберг им дал телефонски броеви од Вес Мичел и Рамуш Харадинај
(Аудио) „Жртви“ на руските комичари освен Заев биле и Макрон, Ердоган, Столтенберг…
Фото: Фејсбук/Кузенцов