Како бомба одекна веста дека Централниот комитет на ВМРО-ДПМНЕ ќе побара од општинските комитети Сашо Мијалков да биде исклучен од партијата, бидејќи соработувал со Зоран Заев и ги убедувал пратениците да гласаат за Преспанскиот договор, односно за промена на Уставот на Република Македонија и преименување на земјава во Република Северна Македонија.
Мијалков е еден од најконтроверзните ликови на македонската политичка сцена во изминатава деценија, кој до вчера беше пали-гаси во ВМРО-ДПМНЕ и важеше за личност која ги влече конците во партијата.
Уште повеќе, тој е во тесни роднински врски со поранешниот лидер на партијата и премиер Никола Груевски.
Гласот на Мијалков беше еден од главните во објавените прислушувани разговори, афера која се случи додека тој беше на чело на Дирекцијата за безбедност и контраразузнавање.
Всушност, токму тогаш почнаа и проблемите и главоболките за неговиот братучед-поранешниот премиер Груевски и за неговата матична партија ВМРО-ДПМНЕ.
Сега, останува да се види дали сериозните обвинувања на ракодвоството на партијата дека Мијалков влијаел врз одлуката на претаниците да гласаат за уставни измени и дека тој работел за интересите на Зоран Заев и СДСМ ќе се материјализираат преку простување на неговите гревови од актуелната владејачка гарнитура.
Имено, против Мијалков се водат повеќе судски процеси и времето ќе покаже дали тој ќе биде осуден и ќе лежи затвор или пак набргу ќе се најде на слобода во процесот на помирување што го најави премиерот Заев.
Фото: А1он
ПОВРЗАНИ ВЕСТИ
Кои се причините: Сашо Мијалков и Никола Тодоров пред исклучување од ВМРО-ДПМНЕ
(ВИДЕО) ЦК на ВМРО-ДПМНЕ поради силна соработка со Заев го разреши потпретседателот Митко Јанчев
Канческа-Милевска за исклучувањето од ВМРО-ДПМНЕ: Одлуката е избрзана и „истресена од ракав“