Студено, со северозападен ветер и без врнежи ќе биде новогодишната ноќ.
Од УХМР информираат дека во текот на новогодишната ноќ врнежи нема да има. На 31 декември и на првиот ден од новата година ќе дува северен ветер, а преку ноќта ќе се зголеми облачноста.
До Нова година не очекува постуден период, со утрински температури што ќе се движат од минус шест до два во сабота, минус седум до еден во недела и минус осум до нулата во понеделник.
Дневната температура во сабота ќе се движи од еден до седум степени, во недела од минус еден до шест и во понеделник од нула до седум степени.
На 31 декември, во вторник утринската ќе се движи од минус 10 до минус три, а дневната од три до девет степени, а на првиот ден од новата година утринската температура ќе биде од минус осум до нула, а дневната од два до осум степени.
Врнежи од снег се очекуваат во сабота во северните делови на земјата.