Вицепремиерот задолжен за европски прашања, Бујар Османи лично се ангажирал да се ослободи Томор Морина, поранешен припадник на ОВК, кој беше уапсен пред неколку дена на граничниот премин Блаце, по потерница издадена од седиштето на Интерпол во Лион.
Поднесол дури и службено барање до судијката која ја спроведува постапката да му дозволи да го посети.
Кога го прашаа новинарите во кое својство ќе го посети Морина, Османи одговори дека не се вршел притисок врз судството, туку, како што рече, жално било што се случил овој настан, бидејќи влијаел на односите помеѓу Македонија и Косово.
Камо Османи толку да се ангажираше да се екстрадираат од Косово двајцата обвините за случајот „Монструм“, кои се во бегство неколку години.
Има ли нешто пожално од тоа да изгубиш дете, а и правдата да не биде задоволена.
Случајот „Монструм“, се однесува на петкратното убиство кај Смилковско Езеро на 12. април 2012 година, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски.
ПОВРЗАНИ ВЕСТИ
Османи лично се ангажирал да се ослободи Морина, поранешен припадник на ОВК
Заев: Мора да се почитува домашното и меѓународното право, Морина ги има сите права
Притвор за Томор Морина, кој беше уапсен во Македонија по потерница на Интерпол-Србија
Фото: Влада