еМагазин
Image default
Македонија

„Катимерини“: Има отворен дипломатски канал меѓу Атина и Скопје, за да се избегнат варирања од духот на Договорот од Преспа во уставната ревизија

Постои отворен дипломатски канал на комуникација меѓу Атина и Скопје, за да се избегнат можни варирања од духот на Договорот од Преспа во уставната ревизија што е во тек во ПЈРМ, пишува грчкиот весник „Катимерини“, јави дописничката на МИА од Атина.

Според весникот, повод за ова е дискусијата за одредени точки во предлог амандманите, а особено и за членот 49.

– Атина има забелешки на констатацијата што преовладуваше во амандманот предложен од владата на Зоран Заев, барајќи усогласување со членот 108 од Уставот на Грција во однос на Грците во странство, пишува „Катимерини“ и додава дека: „Заев остави отворени две можности, додавање нов амандман или приложување, по завршувањето на процесот на заедничка декларација, која ќе ги појаснува односите на граѓаните на ПЈРМ кои живеат надвор од нивната земја“.

Весникот, повикувајќи се на добро информирани извори пишува дека во овој момент, додека е во тек процесот на уставна ревизија, не може да постојат појаснувачки изјави.

– Оваа дискусија, некои во Атина ја гледаат како обид на ПЈРМ да остави отворени за интерпретација различни точки од Договорот од Преспа, вклучувајќи ги и оние кои што се однесуваат на уште помалку очигледни прашања, како што се оние што однесуваат на образованието или на трговските имиња, кои всушност, ќе се решат во втора фаза, многу подоцна по ратификацијата на договорот, наведува „Катимерини“.

Според весникот, од страна на Грција не постојат јавни притисоци и затоа е избрана тактиката по дипломатски канали.

МИА/Фото: Влада

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Мицкоски: Ова што се случува мора да заврши со предвремени парламентарни избори

Редакција

Москва: Русија не се мешаше во внатрешните работи на Македонија, туку тоа го стори Вашингтон

Редакција

Димитров до Сијарто: Парадоксално е барањето азил во земја на ЕУ од личност во чие владеење Македонија беше „заробена држава“

Редакција