Министерката за труд и социјална политика, Мила Царовска е еден од кандидатите за технички премиер.
Која е Царовска професионално?
Дипломирала на Филозофскиот Факултет при Универзитетот „Св. Кирил и Методиј“ во Скопје, на Институтот за социјална работа и социјална политика.
Во својата професионална кариера се стекнала со повеќегодишно искуство од областа на социјалната работа, меѓу кои и како фасилитатор во драмски работилници со деца сместени во институции, фасилитирање на едукативни работилници, СОС оператор и супервизор за консултации за корисници на дрога и нивните семејства, како и соработник на институциите за лечење на корисници на дрога, социјален работник на терен, советник за пред/пост тест за ХИВ/СИДА и истражувач на терен, стои во нејзината официјална биографија.
Царовска беше специјален советник во кабинетот на поранешната министерката за труд и социјала, Фросина Ременски.
Поради своето богато работно искуство, Царовска била ангажирана во дванаесетина домашни и меѓународни организации како експерт од својата област.
Партиска кариера
Мила Царовска е потпретседател на владејачката СДСМ.
Таа е избрана за функцијата потпретседател на СДСМ на Централниот одбор на СДСМ во 2019 година.
Во 2014 беше избрана за претседателка на Комисијата за труд и социјална политика на СДСМ.
Царовска приватно
Родена е на 6 мај 1984 година во Скопје.
Мајка е на едно дете.
ПОВРЗАНИ ВЕСТИ
Каков имот пријавила Мила Царовска, која е кандидат за технички премиер
Каков имот пријавил Оливер Спасовски, кој е кандидат за технички премиер
Кој е приватно и професионално Оливер Спасовски, еден од кандидатите за технички премиер
Оливер Спасовски и Мила Царовска можни технички премиери
Фото: Фејсбук/Царовска