Актуелниот советник на премиерот Зоран Заев, за адвокатски услуги, Миле Зечевиќ и официјално стана дел од Надзорниот одбор на Стопанска банка Битола.
Според биографијата која ја доставил до Собранието на акционери на Банката пред седницата на која беше избран, тој работел како стручен соработник во Владата и во периодот од 1998-1999 година, во кабинетот на тогашниот премиер.
Во периодот од 1999-2001 година е стручен соработник во Основен суд Скопје 1-Скопје.
Од 2001-2002 година е шеф на кабинетот во Министерството за одбрана.
Од 2002-2004 година е генерелен секретар во тогашната влада на СДСМ.
Од 2004-2006 година е директор на Управата за безбедност и контраразузнавање (УБК).
Во 2008 година почнал да работи како адвокат во адвокатска канцеларија Миле Зечевиќ.
Дипломирал на Правен факултет Јустинијан Први Скопје и го има положено правосудниот испит.
Во 2016 година станал Магистар по казнено право и криминологија и Доктор на правни науки.
ПОВРЗАНИ ВЕСТИ
Миле Зечевиќ, советникот на Заев влезе во Надзорниот одбор на Стопанска банка Битола
„Пелистерка“ предложи соработник на Заев за член на Надзорен одбор на Стопанска банка Битола
Фото: СДСМ