Грчкиот министер за надворешни работи, Никос Коѕиjас денеска поднел оставка, еден ден по напнатата средба во владиниот кабинет, кога избила расправија помеѓу министерот за одбрана, Панос Каменос, во врска со Договорот од Преспа, пишува грчкиот весник „Катимерини“.
Според извори на весникот, Коѕиjас бил незадоволен што премиерот Алексис Ципрас не го поддржал за време на нападите од Каменос, кој исто е коалициски партнер во владата.
Според истите извори, за време на вчерашниот состанок на кабинетот, Каменос го обвинил Коѕиjас за лошо управување со тајните фондови на Министерството за надворешни работи и како човек на американскиот милијардер Џорџ Сорос.
Помошниците блиски до министерот за надворешни работи рекоа дека Коѕиjас бил „длабоко навреден” од наводите.
Премиерот Алексис Ципрас ја прифатил оставката и се заблагодарил на неговиот министерски ангажман.
ПОВРЗАНИ ВЕСТИ
По оставката на Коѕијас, Ципрас ќе го преземе неговото место за да го спроведе Договорот од Преспа
Грчки медиуми: Коѕијас се заканил со оставка на вчерашната седница на грчката Влада