КОД, кој се емитува на телевизијата Телма, објави дека поранешниот директор на УБК, Сашо Мијалков, кој е во притвор во затворот „Скопје“ во Шутка, вечерта кога бил уапсен бил во друштво на најмалку тројца пратеници.
Според КОД, Крсто Муковски, Сашо Василевски и Нола Исмаиловска Старова се пратениците кои очевидците кои присуствувале на апсењето ги виделе. И тие биле изненадени од упадот на алфите и апсењето.
Станува збор за пратениците кои гласаа за старт на процедурата за промена на Уставот, што е предвидено со договорот за името со Грција, а кои по гласањето беа исклучени од ВМРО ДПМНЕ.
Според КОД во Лаунџ барот во хотелот Мериот, таа вечер била и Билјана Бришковска.
Приведувањето било изведено брзо и ефикасно, а факторот изненадување спречил одолжување на драмата. Мијалков беше уапсен вечерта на 20. ноември. Дента бил во суд каде имаше рочиште за „Тортура„ на Специјалното јавно обвинителство, случај во кој и Мијалков е обвинет.
ПОВРЗАНИ ВЕСТИ
Паѓаат ли во вода уставните измени по притворот за Мијалков и азилот за Груевски?
И Мијалков, како Камчев сместен во „хашка соба“ во затворот во Шутка