Одлуката на Апелациониот суд поранешната специјална јавна обвинителка Катица Јанева да биде пуштена во домашен притвор предизвика лавина од реакции во јавноста и на социјалните мрежи.
На истата остро регираше и шефицата на ОЈО за гонење организиран криминал и корупција, Вилма Рускоска, која денеска стана топ тема откако беше објавена СМС пораката која ја испратила до еден од судиите кои ја донеле одлуката, а истата наиде на осуда од Апелациониот суд и Судскиот совет.
Денеска се дознаа и имињата на тројцата судии од Апелациониот суд, кои ја донеле одлуката за излегување на Јанева од затворот Скопје во Шуто Оризари.
Станува збор за судиите Јани Нича, Сафет Кадрии и Зоран Димитриевски.
Вчера Рускоска најави финансиска истрага за нив.
Јанева е обвинета за случајот “Рекет“. Судењето стартува на 3. декември.
ПОВРЗАНИ ВЕСТИ
Судскиот совет со осуда за однесувањето на Рускоска
Обвинителство: Реакцијата на Рускоска со „гаќите“ е израз на моментално разочарување
Рускоска најави финансиска истрага за судиите кои ја пуштија Јанева во домашен притвор