Во 2019 година беа исплатени вкупно 11.602.292 денари по основ на бруто плати на членовите на Управниот одбор и 811.769 денари по други основи, соопшти „Скопски пазар“ во ревидираните финансиски извештаи објавенји преку Македонската берза.
Во 2019 година беа исплатени вкупно 4.064.123 денари по основ на бруто плати на членовите на Надзорниот одбор и 745.494 денари по други основи.
„Примањата кои членовите на Управниот и Надзорниот одбор ги оствариле по основ на членување во органи на управување на други друштва и по други основи се од доверлив карактер“, се вели во извештајот.
Со состојба на ден 31.12.2019 година членови на Надзорниот одбор се: Фатмир Етеми, претседател, Ацо Дудулоски, и Димитар Џеков, независен член на Надзорен одбор.
Претходно во текот на 2019 година членови на Надзорниот одбор беа Предраг Милосављевиќ, претседател, Ванчо Ачовски, независен член и Звонко Стојчев.
Со состојба на 31.12.2019 година членови на Управниот одбор се: Младен Дамев, претседател, Велимир Шиповиќ, Арменд Етеми, Озџан Даут и Бесар Етеми.
Претходно во текот на 2019 година членови на Управниот одбор беа Сашо Давитковски, претседател, Тошо Давитковски, Боце Славков, Снежана Ристова Трифуноска и Бобан Димоски.