еМагазин
Image default
Забава

Концерти за паметење на Недела на дизајнот во Скопје

На Неделата на дизајнот во Скопје годинава ќе има десет концерти на музичари и диџеи од регионот, кои ќе настапат на сцената во поткровјето на Јавна соба.

Еден од ѕвездите на разновидната музичка програма годинава е српскиот музички продуцент и диџеј Марк Фанк кој веќе настапи на отворањето на 21. ноември и приреди неверојатно искуство за скопјани. Фанк веќе 15 години настапува како диџеј, а заедно со Дени Круз во 2014 ја отвори издавачката куќа „Круз мјузик“ (Cruise Music), која е една од најуспешните издавачи на џекин и фанки хаус во светот.

Што се однесува до овој музичко забавен дел на Неделата на дизајнот во Скопје, вечерва (23. ноември) настапува хрватската диско-панкатракција „Лолобригада“ со почеток во 22 часот. Групата постои 15 години, а во 2009 освојува награда за најдобар бенд на Балканот на Ем-Ти-Ви Европа.

Трите албуми, „Cartoon explosion“, „Lollobrigida Inc“ и „Пилула“ се исполнети со силна енергија и откачени стихови. „Лолобригада“ е единствениот бенд што 11 пати свирел на фестивалот Егзит, а има концерти и на најголемите фествали на Балканот.

Утре (24. ноември) својот концерт ќе го одржи српскиот џез состав ЗАА кој е препознатлив по своите концерти на фестивалите Егзит и Реге Србија. Постоjат 10 години, a позади нив се 3 албуми – „ЗАА“ (2010), „Good Things“ (2011) и „What About“ (2014). Концертот започнува во 22 часот на поткровјето на Јавна соба.

Во текот на фестивалот свои настапи ќе имаат и диџеите Константин, Еми Ермилова, Соул Кејс.
Недела на дизајнот во Скопје е дело на Јавна соба – Центар за дизајн и иновација, во соработка со Делегацијата на германското стопанство со канцеларија во Македонија.

Активностите ќе се реализираат во Јавна соба и Лукс секој ден од 10 до 01 часот, а влезот за сите посетители е слободен.

Повеќе информации на: www.ministryofpleasure.net

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Звуците на Шуман и Брамс со германскиот гудачки квартет – Minguet Quartett 

Редакција

(ВИДЕО) Нова песна на Кирил Џајковски

Редакција

(Видео) Подготовки за Евровизија: Како звучеше Тамара на втората проба

Редакција