Бројот на работниците во индустријата во март годинава, во однос на истиот месец лани е помал за 4.5 отсто, соопшти Државниот завод за статистика.
Бројот на работниците во март бележи опаѓање во секторите: рударство и вадење на камен од 1.6 %, преработувачка индустрија од 4.8 % и снабдување со електрична енергија, гас, пареа и климатизација од 0.5 %.
Според главните индустриски групи, бројот на работниците во индустријата во март 2020 година, во однос на март 2019 година, бележи опаѓање кај енергија за 0.9 %, интермедијарни производи, освен енергија за 6.3 %, трајни производи за широка потрошувачка за 9.0 % и нетрајни производи за широка потрошувачка за 5.8 %, додека пораст од 0.3 % бележи кај капитални производи.
Бројот на работниците во индустријата во периодот јануари ‒ март 2020 година, во однос на периодот јануари ‒ март 2019 година, е помал за 3,6 отсто.
ПОВРЗАНИ ВЕСТИ
Finance Think: Компромитирана мерката за финансиска поддршка, можно максимизирање на отпуштањата
Горчлива првомајска честитка за работниците: Нови услови за помош или за отпуштања
Сите детали: Нови услови за мерката 14.500 денари субвенции за плати во стопанството
Фото: Влада