Од Националната разузнавачка служба на САД тврдат дека новиот коронавирус не го направил човекот, ниту е генетски модификуван, пренесува aljazeera.com.
„Разузнавачката заедница се сложува со широкиот научен консензус дека вирусот Ковид-19 не е направен од човек, ниту е генетски модифициран.
Ќе продолжиме со ригорозното испитување на информациите и разузнавачките податоци за да се утврди дали епидемијата почнала преку контакт со инфицирани животни или е резултат на несреќен случај во лабораторијата во Вухан“, се наведува во соопштението на американските служби.
Научниците сметаат дека вирусот настанал претходно кај лилјаците.
Овој став на американските разузнавачки служби е спротивен на тој на американските власти.
Како што е познато, државниот секретар на САД, Мајк Помпео смета дека вирусот сепак „настанал“ во лабараторија во Вухан, од каде почна епидемијата, а која е под водство на Кинеската академија на науки.
Во таа лабараторија, како што објавија бројни светски медиуми изминатиов период се вршеле истражувања за потеклото на вирусот САРС, а во истата се откриени нови вируси кај лилјаците и начини како тие можат да се префрлат на луѓето.
Кинеските власти пак сметаат дека оваа „теорија„ според која вирусот протекол од лабораторијата „се неосновани и измислени“.
Кина одбива учество во меѓународна истрага за потеклото на вирусот.
ПОВРЗАНИ ВЕСТИ
Вкупно 81: Четири новопочинати од коронавирусот, дури тројца од Прилеп
Вкупно 807: Нови 69 излекувани пациенти од коронавирусот во Македонија
Вкупно 1.494: Нови 29 случаи на заболени со коронавирусот во Македонија