Се чини дека привршува постизборната голгота на Косово откако партиите Самоопределување на Албин Курти и Демократската лига на Косово на Иса Мустафа постигнаа договор за формирање Влада.
Неофицијално, новата влада ќе има 15 министерства, од кои шест ќе припаѓаат на Самоопределување, шест на Демократската лига на Косово, две ќе бидат од Српска листа, како резултат на уставна обврска доколку владата има повеќе од 12 министерства, а едно министерско место ќе биде за малцинските партии.
Собраниската седница за гласање на новата Влада е свикана на барање на мандатарот за состав на новата влада, лидерот на Самоопределување, Албин Курти. Собраниското претседателство ја закажа понеделничката седница за во 11 часот.
Во Косово со месеци не можеше да се формира влада. На вонредните парламентарни избори на 6 октомври победи Самоопределување со освоени 26,27, додека Демократската лига на Косово беше втора со 24,54 отсто од гласовите.
ПОВРЗАНИ ВЕСТИ
(Видео) Екстремист што се заложи за Албанска федерација: Кој е новиот косовски премиер Аљбин Курти?
(Видео) Голема победа на опозицијата на Косово: Црвен картон за Рамуш Харадинај и Хашим Тачи
Фото: Фејсбук/Курти