Пратеникот на СДСМ, Костадин Костадинов на прес-конференција информираше дека дека адвокатите на Никола Груевски поднеле иницијатива за испитување на уставноста на членови од Кривичниот законик врз основа на кои се терети поранешниот премиер.
-Со иницијатива до Уставниот суд се обидуваат да ја оспорат уставноста на Кривичниот законик, односно членот 353 став 5, кој се однесува на злоупотреба на службена должност. Иницијативата има за цел одговорноста за неправилностите во јавните набавки да се префрли врз Комисијата за јавни набавки, а со тоа Груевски и неговите соработници, да бидат ослободен од одговорност. Истовремено, се бара предметите што се водат во моментов, а се однесуваат на кривичните дела поврзани со Злоупотреба на службената положба и овластување, да бидат запрени се додека Уставниот суд не се произнесе – рече Костадинов на прес-конференција.
Тој истакна дека со ова се потврдува дека „единствена цел на Мицкоски и сегашното раководство на ВМРО-ДПМНЕ е амнестија на криминалот на Никола Груевски“, додавајќи дека амнестија нема да има.
Фото: СДСМ
ПОВРЗАНИ ВЕСТИ
Груевски: Против мене нема обвиненија за корупција, провизии, имотна корист, јавни набавки…