еМагазин
Image default
ЖИВОТ

Крводарителска акција во спомен на Тоше Проески, по повод неговиот роденден

Традиционално, на 25.01.2019 година, по петнаесети пат ќе биде организирана голема крводарителска акција посветена на големиот хуманист Тоше Проески во знак на одбележување на неговиот роденден.

Организатори на крводарителската акција се Црвениот крст на град Скопје, Општинската организација на Црвен крст Центар, Институтот за Трансфузиона медицина и Тоше фан форум клубот. Поддршка кон акцијата ќе дадат и волонтерите од Клуб 25- клуб на млади крводарители, мотиватори како и волонтерите од Клуб на млади на Црвен крст Центар.

И оваа година акцијата е планирано да се реализира на 25 јануари (петок) во холот на Дом на АРМ во периодот од 09:00-17:00 часот.

Ликот и хуманото дело на Тоше Проески се позитивен пример и поттик за многу млади личности кои токму на овој датум даруваа крв, но и мотивација за повеќекратните дарители да продолжат со хуманиот чин.

Традицијата за одржување на крводарителски акции во спомен на Тоше Проески започна во 2010 година и истите се реализираат во негова чест. До сега, на овие 14 акции, својата хуманост преку чинот на дарување крв ја покажале над 4.500 крводарители.

Фото: Hit records

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Фото) Семејството на Заев на патување во Франкфурт

Редакција

„Сега е Свет и Велик Пост“, видео-спот на Бигорски за првата великопосна песна

Редакција

Повеќе од половината деца родени во 2017 година се невакцинирани: Најниска вакцинација во Центар, Карпош и Аеродром

Редакција