Облеката која ќе ја купите нема да може да ја пробувате во продавница, туку дома, стои во протколот за отварањето на затворените молови во Македонија, кои почнаа со работа од вчера.
Оваа правило ќе важи за сите бутици, каде и да се лоцирани.
„Тоа го правиме за да се заштиме и ние вработените, но и да ги заштитиме нашите купувачи. Затоа облеката која ќе ја купуваат граѓаните ќе ја пробуваат дома. Доколку сакаат да ја вратат истата откако дома ќе ја пробат, нивните пари ќе бидат вратени.
Ние секоја вратена облека ќе ја дезифинцираме“, објаснуваат за еМагазин од неколку бутици во најпромениот затворен мол во Скопје, Сити мол.
Од таму велат дека истите правила ќе важи и за обувките.
Новина е и тоа што во дел од тамошните бутици повеќе нема да има тастери за парфеми.
Затворените молови за сега ќе работат со скратено работно време, од 10 до 18 часот, а ќе бидат затворени во недела.
Лицата пак над 65 години ќе бидат ограничени односно ќе можат да пазаруваат до 12 часот.
Вработените во моловите, како и на сите други места, задолжително треба да носат заштитни маски и ракавици, а купувачите само заштитни маски. Помеѓу купувачите и продавачите треба да има физичко растојание до два метри.
ПОВРЗАНИ ВЕСТИ
Сите детали: Каков ќе биде протоколот за спортските тренинзи
Сите детали: Моловите се отворија, каков ќе биде протоколот за работа