Сознанието дека персоналот од амбулантата од Дебар е позитивен на корона вирусот треба да биде аларм за надлежните и за сите здравствени работници.
Од денеска амбулантата е под карантин две недели, што секако не треба слика која ќе се повтори и во останатите здравствени установи во услови кога се разгорува заразата од коронавирусот.
Затоа, Министерството за здравство мора да обезбеди соодветна опрема, која освен ракавици и маски, треба да вклучува и скафандери и очила, бидејќи вирусот може да се пренесе и преку очите.
Дополнително, Министерството мора да им нареди на лекарите и останатиот медицински персонал строго да се придржуваат на заштитините мерки.
Имено, Македонија мора на учи од грешките во Кина каде не беше мал бројот на лекари кои помагајќи им на пациентите се заразија од болеста.
За разлика од Кина, која е огромна земја која во секој момент има можност да обезбеди медицински екипи од различни региони, кај нас опасноста од ширење на вирусот меѓу лекарите може да биде кобна, бидејќи Македонија има ограничени ресурси здравствени работници.
Во овој момент, лекарите, медицинските сестри и сите останати здравствени работници се нашите херои и затоа не можеме да дозволиме да не бидат соодветно заштитени.
ПОВРЗАНИ ВЕСТИ
Персонал од амбулантата во Дебар позитивен на корона вирусот, објави докторот Арбен Аголи
Корона вирусот пристистигна и во Црна Гора