Повозрасен маж од Тетово вчера е пронајден мртов на Самоиловата тврдина во Охрид.
Информацијата за МИА ја потврди портпаролот на СВР Охрид, Стефан Димоски, кој посочи дека кај лицето не се забележани траги на насилство и оти се работи за природна смрт.
– По барање на Јавен обвинител ќе биде направена обдукција врз телото на починатиот, изјави Димоски.
По пријава на граѓани веднаш на местото пристигнала екипа на Брзата помош, која констатирала смрт.
Според првичните информации, станува збор за лице на околу 60-годиншна возраст.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.