еМагазин
Image default
Свет

Лидерите на Г20: Да се сузбие нееднаквоста, да се поддржат малите претпријатија

Лидерите на земјите членки на Г-20, во завршната декларација од заклучоците од Самитот во Буенос Аирес, ја потврдија нивната посветеност во борбата против нееднаквоста и поддршката на малите и средните претпријатија.

– Ќе промовираме мерки со цел поттикнување на микро, мали и средни претпријатија и претприемачи, премостување на дигиталната родова нееднаквост и поонатамошната дигитална инклузија, поддржување на заштитата на потрошувачите и подобрување на дигиталното управување, инфраструктурата и мерењето на дигиталната економија, се наведува во декларацијата.

Во заклучоците се наведува и дека лидерите на Г-20 го препознаваат значењето на врската меѓу трговијата и дигиталната економија.

– Ќе продолжиме со работењето на вештачката интелигенција, новите технологии и новите работни платформи, се порачува во декларацијата на Г-20.

Исто така, се укажува на тоа дека инфраструктурата е клучниот двигател на економскиот просперитет, одржливиот развој и инклузивниот раст.

– За да го отстраниме трајниот расчекор во финансирањето на инфраструктурата, ја потврдуваме нашата посветеност на привлекување на повеќе приватен капитал поради вложување во инфраструктурата, се наведува во декларацијата, каде се најавува напредок во 2019 година по прашањето за квалитетот на инфраструктурата.

Лидерите на Г-20 го истакнаа значењето на технолошкиот напредок кој носи економски просперитет.

Во текстот се укажува и на значењето на лесниот пристап до образование, како човеково право и стратешка област на јавната политика за развој на поинклузивни, попросперитетни и помирни заедници.

МИА/Фото: g20.org

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Вознемирувачко видео) Русите со пукање ги растеруваат Украинци кои протестираат против окупацијата

Редакција

Забрана за увоз на јаглен, дрво, алкохол: ЕУ го усвои петтиот пакет санкции против Русија

Редакција

Се појави нов супер британски вид на Ковид-19 кој може да избегне имунолошки одговор, вели професор од Оксфорд

Редакција