еМагазин
Image default
Свет

Лидерот на ИД, Ал Багдади погребан во море, исто како Бин Ладен

Посмртните останки на лидерот на Исламска држава, Абу Бакр ал-Багдади се погребани во море, откако загина за време на воената операција на САД во неговиот камп во северозападна Сирија минатиот викенд, потврди денеска неименуван американски официјален претставник.

Властите не објавија детали за тоа кој американски воен брод бил користен за погребот, ниту во кое море е спуштено телото, но официјални лица за Еј-Би-Си Њуз изјавиле дека постапката била слична на онаа што се користела при положување на телото на основачот на Ал Каида, Осама бин Ладен.

Во исламот, луѓето обично се погребуваат во земја, без ковчег, пред петдневниот период на молитви, но САД очигледно не сакаа гробот на ал-Багдади да стане светилиште за терористите, коментираат светските агенции.

Во 2011 година, телото на Бин Ладен беше спуштено во Северното Арапско Море од американскиот носач на авиони Карл Винсон.

Началникот на здружениот Штаб на американската армија Марк Мли денеска одби да каже дали телото на ал Багдади е погребано во море. Тој рече дека положувањето на неговите посмртни останки и оти е извршено на соодветен начин, по дополнителни ДНК анализи на безбедна локација.

Во исто време, неименуван функционер на Стејт департментот рече дека по убиството на ал Багдади, бил ликвидиран и друг припадник на Исламска држава, Абу ел Хасан ел Мухајир.

Тоа се случило во заедничка акција на курдските и американските трупи, исто така во северна Сирија.

МИА

ПОВРЗАНИ ВЕСТИ

Курдски советник: Лидерот на ИД, Ал Багдади разоткриен благодарејќи на долната облека

Кој беше Абу Бакр ал-Багдади, „калифот“ кој донесе смрт и ужас

ЦИА помогнала да биде лоциран: Во Сирија е убиен лидерот на Исламската држава, Абу Бакр ал-Багдади

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Столтенберг: Русија ја обновува старата моќ и вложува во разузнавачките служби

Никола Осило

Што открија Викиликс и Асанж: ЦИА прислушува преку телевизори и „паметни“ мобилни телефони

Редакција

(ВИДЕО) Паника поради наводно пукање ја „растури“ Парадата на гордоста во Вашингтон

Редакција