„Алкалоид“ АД Скопје го објави консолидираниот извештај за работењето во 2018 година од кој може да се види дека ги извезува своите производи во повеќе од 30 земји во Југоисточна и Западна Европа, Турција, Русија, САД и е една од ретките македонски компании која поголем дел од производството пласира на странски пазари.
Забележително е што лани „Алкалоид“ остварил продажби во Финска, Шпанија и Грција, земји во кои претходната година немало извоз.
Оствареното вкупно производство во 2018 година, искажано во физички обем, изнесува 14.906 тони и бележи зголемување од 7% во споредба со оствареното во 2017 година (13.885 тони).
Остварените вкупни продажби на производи и услуги во 2018 година изнесуваат 9.783.286.000 денари и во споредба со остварените продажби во 2017 година (9.094.716.000 денари) бележат пораст за 8%.
Вкупниот пораст на продажбите е резултат од порастот на продажбите остварени на домашен пазар за 4% и на странски пазар за 10%. Според структурата, најголем обем на продажби, 63%, се остварени на странски пазар.
Вкупните продажби на странски пазар изнесуваат 6.159.193.000 денари и во споредба со 2017 година (5.608.031.000 денари) бележат зголемување од 10%. Најголем обем од продажбите на странски пазар, 55%, се остварени во земјите од Југоисточна Европа. Во споредба со остварените продажби во 2017 година, тие бележи пораст за 13%.
ПОВРЗАНИ ВЕСТИ
Убава вест за акционерите: „Алкалоид“ ќе почне со исплата на дивиденда на 22 мај
Во блок трансакција продадени 5.276 акции од „Алкалоид“ за 707.000 евра
Во блок трансакции продадени 7.000 акции од „Алкалоид“ за 939.000 евра