еМагазин
Image default
Македонија ТОП СТОРИИ

Македонија и официјално стана 30.членка на НАТО

САД денеска од Република Северна Македонија го примија инструментот за пристапување во НАТО, со што Северна Македонија стана 30. сојузничка на НАТО, изјави американскиот државен секретар Мајк Помпео.

Во соопштението се вели дека знамето на земјата за прв пат ќе започне да се вее пред седиштето на НАТО на 30 март.

– Како што кажа и претседателот Доналд Трамп, Алијансата веќе 70 години е заштитник на меѓународниот мир и безбедноста. Влезот на Северна Македонија во НАТО претставува врв на напорите правени во текот на многу години од Владата и народот на Северна Македонија за членство во Алијансата, нагласи Помпео.

Се додава дека членството на нашата земја во НАТО ќе доведе до подобра интеграција, демократски реформи, безбедност и стабилност во целиот регион.

– Членството на Северна Македонија исто така потврдува дека останува отворена вратата и за сите други аспиранти, кои сакаат и можат да ги остварат неопходните реформи потребни за достигање на високите стандарди на НАТО, како и да ги прифатат одговорностите и бенефициите од членството, истакна тој.

Додека НАТО вели добредојде на 30. членка, ние остануваме посветени на колективната одбрана според Членот 5, камен темелник на трансатлантската алијанса, се вели во денешното соопштение од американскиот Стејт депармтент.

МИА/Фото: Влада

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

ЗНМ со реакција за рекламите на Владата платени со пари од СДСМ

Редакција

Полицаец од пограничната полиција позитивен на коронавирусот

Редакција

Рот: Рускиот напад на Украина ја загрозува и цела Источна Европа, но и стабилноста на Западен Балкан

Редакција