На Македонија и се заканува информативен мрак. Според информациите до кои дојде еМагазин ќе запре реемитувањето на сите домашни и странски ТВ канали.
Неофицијално, Здружението на информатичко-комуникациски технологии при Стопанската комора на Македонија донело ваква одлука за овој чекор, откако македонското Собрание на последната седница пред да се распушти по скратена постапка ги усвои Измените на Законот за аудио и аудиовизуелни услуги.
Истиот ден Законот беше потпишан од претседателот Стево Пендаровски и објавен во Службен весник.
Со измените на операторите им се наметнува обврска да гарантираат за авторските права на програми кои тие не ги произведуваат, туку само ги реемитуваат и за тоа да сносат материјална и кривична одговорност, што е спротивно на ЕУ директивите.
Преведено тоа значи дека ќе можеме да ги гледаме само трите канали на јавниот сервис МРТВ.
Дознаваме дека за ваквата ситуација се веќе информираме сите релевантни институции во земјава.
Потврда за информацијата на еМагазин стигна и официјално од Здружението на информатичко-комуникациски технологии.
ПОВРЗАНИ ВЕСТИ
Операторите ќе прекинат со реемитување на домашни и странски ТВ канали освен на јавниот сервис