Според последните податоци, заклучно вчера, во Македонија се регистрирани вкупно 908 случаи на заразени со Ковид-19 и има 44 починати лица од вирусот.
“Проценката на Светската здравствена организација (СЗО) на глобално ниво и на ниво на европски регион за понатамошно ширење на COVID-19 кажува дека ризикот е многу висок.
Според категоризацијата на ризикот од СЗО, се проценува дека ризикот за понатамошно ширење на COVID-19 во Република Северна Македонија е многу висок“, стои во анализата на податоците од страна на Институтот за јавно здравје, заклучно податоците до 13.април.
Претходно Дебар, Скопје и Куманово беа во фаза 4 (широко-распространета трансмисија во заедницата), а останатиот дел од државата беше во фаза 3 (локализирана трансмисија).
Пикот или врвот на епидемијата во Македонија се очекува на крајот на април, а според моменталните проценки, бројот на заразени со вирусот се очекува да биде околу 2.000.
ПОВРЗАНИ ВЕСТИ
На територијата на цела држава моментално е прогласена вонредна состојба. Истата стапи на сила на 18.03.2020 година во времетраење од најмалку 30 дена и најверојатно ќе биде продолжена.
Дека истата треба да се продолжи смета и претседателот Стево Пендаровски, а и Владата.
Истата како што е познато, меѓудругото го ограничува движењето на граѓаните.
ПОВРЗАНИ ВЕСТИ
Детален преглед: Најмногу починати од коронавирусот во Куманово, најмногу заразени во Скопје
Убава вест: Во Македонија излекувани 86 лица заразени со коронавирусот
Двајца функционери во Македонија досега позитивни на коронавирусот
Фото: Општина Куманово