еМагазин
Image default
Балкан ТОП СТОРИИ

Македонски државјани кои работат во северниот дел на Италија, вратени од хрватско-српската граница

Согласно вчера донесените мерки на српската Влада за забрана за влез на странски државјани кои доаѓаат од жариштата на вирусот Ковид-19, од преминот „Батровци“ на границата на Србија со Хрватска денеска се вратени дваесетина автомобили со околу 50 патници, меѓу кои повеќето македонски државјани кои работат во северниот дел на Италија.

Како што јави дописникот на МИА од Белград, новите мерки не се применуваат само во патничкиот, туку и во товарниот сообраќај, поради што од граничните премини се вратени и неколку камиони.

Српските гранични служби ја имаат потребната заштитна опрема – ракавици, маски и средства за дезинфекција, а по потреба користат и заштитни костими.

Српските државјани кои доаѓаат од Италија подлежат на сите мерки на заштита, како и другите патници. По контрола на санитарната инспекција, досега немало потреба да се преземат дополнителни мерки за надзор.

Од вчера, во Србија привремено се укинати летовите од земјите кои се жаришта на вирусот, меѓу кои се Италија и Швајцарија.

Кога станува збор за аеродромите, странските државјани кои доаѓаат од државите каде што коронавирусот е жариште, не можат да ја поминат граничната контрола, каков што беше случајот вчера, кога од нишкиот аеродром беа вратени сите странски државјани кои пристигнаа во Србија од италијанскиот град Бергамо, додека српските граѓани беа упатени во домашна самоизолација.

МИА/Фото: Влада

ПОВРЗАНИ ВЕСТИ

Кои хронично болни лица треба посебно да бидат претпазливи на корона вирусот и ослободени од работа

Важно ако одите или пристигате: Кои држави спаѓаат во високоризични и средноризични за корона вирусот

Би се самоизолирале ли поради корона вирусот?

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Вознемирувачко видео) За време на преговорите во Харков убиени девет цивили од кои три се деца

Редакција

Убава вест: Нема починати од Ковид-19 во изминатото деноноќие

Редакција

Исчезнатиот Пинета Секондо пронајден мртов, МВР со кривична за убиство за две лица

Редакција