Бугарскиот премиер Бојко Борисов денеска се сретна со старозагорскиот митрополит Кипријан, кој е раководител на Комисијата за признавање на статусот на МПЦ – Охридска архиепископија, пренесе БГнес.
Комисијата беше формирана кон крајот на 2017 година, на барање на МПЦ за соседната БПЦ да придонесе кон признавањето на нејзиниот статус во екуномската заедница.
За време на средбата меѓу премиерот Борисов и миторполитот Кирпијан станало збор за начинот на кој од Ерусалим бугарска црковна делегација ќе го донесе Велигденскиот благодетен оган и ќе и го предаде на претставник на МПЦ-ОА.
Бугарија првпат благодетен оган и предаде на Македонија минатата година.
Токму старозагорскиот владика Кипријан годинава ќе патува во Ерусалим по благодетниот оган, а при посетата, што ќе се реализира со бугарскиот владин авион, за првпат во црковнста делегација ќе се наоѓа и македонски епископ, што била изричита молба на МПЦ.
Г.г. Стефан се заблагодари за поддршката и помошта од Бугарија
Поглаварот на Македонската православна црква -Охридска архиепископија г.г Стефан изрази благодарност до Бугарија, премиерот Бојко Борисов и Владата за поддршката и помошта што им ја даваат на православните верници во земјава.
-Благодарам од се срце од името на сите православни верници во Македонија. Благодарам за љубовта со која се однесуваат кон нас бугарската Влада, премиерот и државата, изјави г.г. Стефан за Бгнес.
МИА