еМагазин
Image default
Бизнис

„Макпрогрес“ го освојува светот: Започнат извоз во Јужна Кореја

Покрај многубројните држави во кои извезува, „Макпрогрес“ започна со извоз и во Јужна Кореја – нова земја каде потрошувачите може да вкусат од македонските производи на Винчини.

Овој успех се должи на квалитетот и прифатливите цени на производите и секако на развојната стратегија на компанијата да оствари диверзифициран пласман во што поголем број на земји.

Јужна Кореја е последната земја на светската извозна мапа на „Макпрогрес“ Виница, која во моментов своите препознатливи брендови ги пласира во преку 55 држави во светот.

„Со денешниот амбиент за раст и развој на бизнисот, како и променливоста на пазарните услови или ќе одберете да се развивате, да растете и да одите напред, освојувајќи нови пазари или ќе се движите наназад. „Макпрогрес“ отсекогаш се охрабрувал на чекори и остварува деловни предизвици кои возбудуваат и нудат пласман на пазари со економски текови сосема различни од локалните“, изјавиja од извозниот сектор на „Макпрогрес“ ДОО Виница.

Со ваквиот начин на работа, „Макпрогрес“ повторно го потврдува својот епитет на една од најголемите прехранбени индустрии во Република Македонија, на иновативна компанија, која ги следи потребите на потрошувачите и која создава високо конкурентни брендови кои можат да се носат со останатите на конкурентните светски пазари.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

„Енерџи деливери солушнс“ го доби тендерот на Град Скопје за добавувач на струја вреден 1,9 милиони евра

Редакција

Убава вест за акционерите на Макпетрол, почнува исплатата на дивиденда

Редакција

Звучни имиња на бизнисмени и компании на новата листа на должници на УЈП

Никола Осило