еМагазин
Image default
БЕСПАРИЦА

Менаџерите очекуваат намалување на бројот на вработени во преработувачката индустрија

Според оценката на раководителите на деловните субјекти, индикаторот на доверба во преработувачката индустрија во март 2019 година е зголемен за 0.2 процентни поени во однос на февруари 2019 година и изнесува 20.7, а во однос на март 2018 година е зголемен за 1.6 процентни поени соопшти Државниот завод за статистика.

Состојбата на обезбеденоста на производството со порачки во март 2019, во однос на февруари 2019 година, е понеповолна, очекувањата за обемот на производството во наредните три месеци се поповолни во однос на претходниот месец, а залихите на готовите производи се намалени во однос на февруари 2019 година.

„Оценката за економската состојба на деловните субјекти во март 2019 година е поповолна во однос на претходниот месец, а e поповолна во однос на март 2018 година. Се очекува бројот на вработените да се намали“, соопшти ДЗС.

Просечното искористување на капацитетите на деловните субјекти во март 2019 година изнесува 69.0 % од нормалното искористување.

Најголемо влијание врз ограничувањето на обемот на производството имаат следните фактори: недостигот на квалификувана работна сила со 25.6 %, недоволната странска побарувачка со 16.1 %, недоволната домашна побарувачка со 14.6 %, и неизвесното економско опкружување со 10.7 %.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Просечната нето плата во февруари 24.192 денари

Редакција

„Поскапеле“ кафаните

Никола Осило

Поповолна состојбата во преработувачката индустрија, но ќе се намалува бројот на вработени

Редакција