Мермерен Комбинат АД Прилеп за периодот од 1 јануари до 31 декември 2018 оствари приходи од продажба во износ од 2,459,454 илјади денари што претставува зголемување за 53% споредено со истиот период претходната година, соопшти компанијата преку Македонската берза.
“Остварена е оперативна добивка за периодот во износ од 1,543,557 споредено со остварената оперативна добивка во истиот период во 2018 година во износ од 745,118 илјади денари.
EBITDA за периодот 1 јануари – 31 декември 2018 година изнесуваше 1,686,820 илјади денари наспроти остварениот износ од 894,225 илјади денари истиот период претходната година.
Крајниот резултат по оданочување за четвртиот квартал 2018 година е позитивен и изнесува 1,403,557 илјади денари, наспроти остварена добивка за истиот период претходната година од 653,056 илјади денари“, велат од компанијата.
Оперативните расходи за овој период изнесуваат 924,062 илјади денари и се повисоки за 10.32% во однос на истиот период претходната година.
“Зголемени се трошоците за материјали и суровини согласно зголемениот обем на производство и продажба. Исто така се зголемени и расходите за вработените и надворешни услуги. Трошоците за амортизација изнесуваат 140,768 илјади денари и тие се пониски за 0.02% во однос на претходната година“, велат од компанијата.