еМагазин
Image default
Македонија ТОП СТОРИИ

Мицкоски ја прашува власта: Сакате да кажете дека не знаете каде се наоѓа Груевски. Пред кого правите евтин театар?

Лидерот на ВМРО-ДПМНЕ, Христијан Мицкоско на својот Фејсбук профил ја обвини власта дека прави политичка хајка против ВМРО-ДПМНЕ.

Ви го пренесуваме неговиот статус:

„Помина една година од убиството во Аеродром на младиот Мартин Јанушев, поминаа неколку месеци од убиството на младиот навивач Саздо и редица други убиства за кои сторителите се во бегство, а нивните лица не се знаат во јавноста.

Немаше вакви спектакли како вечерва, а требаше да има, затоа што таму некаде, во некое ќоше или улица, вечерва шета осомничениот за одземање на човечки живот. А вие наместо да трагате по нив се занимавате со хајка, политичка хајка врз ВМРО-ДПМНЕ.

Господа од власта кого залажувате и пред кого правите евтин театар сега кога на чиста правдина го посочувате прстот во ВМРО-ДПМНЕ дека наводно крие некого, лажно без аргументи?

Ова не е само напад врз ВМРО-ДПМНЕ, ова е напад врз слободата, врз главната опозициска сила, врз критичката мисла, каква не познава модерна Европа и пошироко во светот. Зарем лицето по кого со години водите политичка хајка, фрлате со дрва и камења и кого го третирате за државен непријател сакате да кажете дека не знаете каде се наоѓа?

Како кога до вчера, исто како него, сите нас не следите, се заканувате, претите.

Како водач на ВМРО-ДПМНЕ немам намера да се жалам и правдам, ниту да се прикажам за жртва, бидејќи јас чувствувам само мал дел од она што стотици, илјадници граѓани го чувствуваат секој ден.

Велите дека сте победиле режим, а по што се разликувате од она што толку драматично го опишувавте дека сте се бореле против. Па Вие сте тој режим и хунта која слободата ја ограничува.

Приберете ги вашите партиски силеџии од СДСМ со полициска значка, нивниот срам е и ваш срам.
Сакате да не понижите, да не прикажете за злосторничка дружина, за криминалци, ние кои ја кажуваме вистината.

ВМРО-ДПМНЕ е и ќе остане да биде последниот бастион на слободата и критичката мисла. Тврдина на народот кој ја сака оваа земја. Можете да забраните да говориме, да забраните да дејствуваме, но не може да ни го забраните ВМРО затоа што тоа му служи на народот, а јас сум прв повикан да им служам и да ги чувам тие 4 свети букви.

Македонија ќе победи. Колку повеќе ќе притискате толку повеќе ќе губите. Нема да не исплашите, ниту поколебате. И сега на крај, треба да знаете и дека вака ќе ве победиме, ќе паднете, затоа што љубовта кон нашата земја е посилна од вашата злоба, затоа што нема да ја покриете сиромаштијата која ја правите на народот, а грабежот на нацијата нема да биде заборавен. Ќе паднете!

Македонија ќе победи! Да живее ВМРО-ДПМНЕ! Да живее Македонија!, напиша Мицкоски“.

Фото: ВМРО ДПМНЕ

ПОВРЗАНИ ВЕСТИ

Груевски „се бара„ и на Твитер: „Крсто му ја отворил вратата на Грујо за да избега!“

Знаат ли безбедностите служби каде е Груевски?

Никола Груевски не е во седиштето на ВМРО-ДПМНЕ велат од партијата, за да полицијата провери и треба налог

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Не Ви го честитамe 8. Март: Во повеќе од 34 општини нема ниту еден гинеколог

Редакција

Твитер „збесна“ за тендерите што ги добивал семејниот бизнис на пратеникот Крсто Мукоски

Никола Осило

„Титаник“ презакажан за 23 ноември: СЈО бара на Груевски да му се суди во отсуство

Редакција