еМагазин
Image default
Македонија

(Видео од дрон) Мицкоски на митингот во Скопје го повика премиерот Заев на предновогодишен ТВ дуел

Оставки на министри, намалување на даноците, гасификација на Македонија како и предновогодишен телевизиски дуел со премиерот Зоран Заев вечерва на митингот пред Владата на РМ побара лидерот на ВМРО-ДПМНЕ Христијан Мицкоски.

„Веднаш оставка на министерот за внатрешни работи Оливер Спасовски поради мафијашките пресметки и криминалот како и поради претресите во домовите на оние што протестираат со ВМРО-ДПМНЕ. Оставка на министерот за надворешни работи Никола Димитров поради националните омаловажувања на нашиот народ и заради тоа што не нарече искомплексирана нација“, побара Мицкоски.

Тој, како и на минатите протести го повика претседателот на Владата Заев на тв дуел на, како што рече, која  било телевизија, односно на која тој сака.

Мицкоски во својот говор обвини дека Заев ги излажал докторите за зголемување на платите, како и на матичните лекари или на стоматолозите оти ќе им ја зголемена капитација.

Според него младите секој ден ја напуштаат Македонија затоа што се чувствуваат излажани, бидејќи, како што рече, им ветуваа работа и студенски град.

„Со криминалците во Владата што СДСМ ги именуваше нема во Европа. Мора да сме чесни за да влеземе таму“, рече Мицкоски.

Тој обвини дека ги нема ветените реформи во судството и дека според корупцијата сме биле како африканска земја, а не европска.

Мицкоски рече дека во Македонија се е црно и дека со доаѓањето на ВМРО-ДПМНЕ ќе се роди зора.

Протестен марш на ВМРО-ДПМНЕ пред Влада на РМ

Ништо не се мрда, камен на камен не оставија, национално не омаловажија, ни го уништија достоинството. Го убија Македонецот во Македонецот. Но, нема да се предадеме затоа што Македонецот на Македонецот е Македонец, бил со векови и ќе остане, колку и да пишете колку и да бришете. Колку да снимате од таа вистина нема бегање и нема да ви дозволиме да избегате!Тие создаваат црнила, ние ќе создадеме зора која што ќе ги победи тие црнила!

Posted by Hristijan Mickoski on Среда, 12 декември 2018

МИА/Фото/видео: ВМРО ДПМНЕ

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Поплава во СЈО уништи и оштети докази за „Империја“, „Триста“ и „Шпион“

Редакција

Министерство за здравство: Кочан нема потреба од болничко лекување

Редакција

Заев на долго и широко за уставните измени, барањата на БЕСА, помирувањето…

Никола Осило