еМагазин
Image default
Македонија

Мицкоски пред подмладокот на ВМРО-ДПМНЕ: Годината што изминува не е успешна, посегнаа по најсветото

Унијата на млади сили на ВМРО-ДПМНЕ вечерва во Скопје ја одржа 27. Годишна конференција, на која лидерот на партијата Христијан Мицкоски ја обвини власта за манипулирање на народот зашто му дава лажна надеж, дека води политика „купи ден помини“, со која економијата пропаѓа, правниот систем се распаѓа, а младите масовно се иселуваат не гледајќи иднина во својата земја.

Тоа, рече Мицкоски, се новите црнила на Македонија.

– На Македонија ѝ се случува Зоран Заев, презиме персонификација и синоним на сите црнила, неправди, сиромаштија, порази, неуспеси на оваа наша земја. Не може да биде годината што изминува успешна ако знаеме дека посегнаа во за нас најсветото – по името на нашата татковина и по нашиот идентитет, со целосно газење на волјата на народот – рече Мицкоски пред партискиот подмладок.

Ја критикуваше економската политика, со заклучок дека оваа година била неуспешна, а идната, рече, ќе биде катастрофална, задолженоста на земјата станува рекордна, а по индексот на корупција е на 112 место.

За партијата што ја предводи рече дека е веќе на нозе и меѓу народот и, како што рече, ќе ја донесе искрата на зората што ќе ги потисне црнилата. Само обединети, рече Мицкоски, ќе успеат да победат на претседателските, а потоа и на предвремени парламентарни избори.

За сегашниот претседател на УМС Јован Јаулески, Мицкоски кажа дека Унијата ја води во најтежок период кога младите се на маргините и ја планираат иднината надвор од државата.

Јаулески, кој по оставката на Лука Кржалоски во октомври стана в.д. претседател на Унијата на млади сили на ВМРО-ДПМНЕ, рече дека изминатата е година на многу предизвици, но дека Унијата е подготвена да ги надмине.

– Ја ветуваа Младинската гаранција за вработување, но изгледа чекаат сите да се иселат од државата во која работа има само за деца на функционери на СДСМ, рече Јаулески, а додаде и дека животот на младите е загрозен и тие се небезбедни на улица, спомнувајќи го убиството на Никола Саздовски-Саздо.

МИА/Фото: ВМРО ДПМНЕ

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Силјановска за гафовите: Поважно е да не згрешите за тезите, отколку за име на град

Редакција

На судењето за„Насилство во Центар“ се гледаа видеа од протестите пред Општина Центар

Редакција

Арнаудов и Василевски не сакаат да кажат дали ќе гласаат за одземање на пратеничкиот имунитет на Груевски

Редакција