Како одбрана спремни сме да ги користиме силата на аргументите и сите други потребни докази за да ја увериме и јавноста, дека се работи за правно неоснован и политички мотивиран предмет, изјави Антонио Милошоски, по денешното рочиште за случајот „Моќник”.
Во врска случајот, во кој е трето обвинет, Милошоски рече дека ги известил мисијата на ОБСЕ и мисијата на ЕУ да го следат целиот случај од почеток до крај, за како што посочи, и тие да се уверат дека се работи за правно неоснован, но за за жал политички мотивиран случај.
– Самото обвинение е компромитирано од две причини. Првото обвинението го има почнато Катица Јанева, поранешна специјална обвинителка. Зборувам за обвинението точно за и со рекетирање, а го продолжува нејзината другарка Фетаи за која Државниот завод за ревизија утврди дека истата незаконски земала 87 илјади евра хонорари токму од Катица Јанева и СЈО, изјави Милошоски.
Обвинителниот акт, посочи тој, е паушален арбитререн, политички мотивиран и без издржани докази.
– Не би го коментирал судот, само би го коментирал Обвинителството и обвинителниот акт. Дел од Обвинителството е под силно влијание на Владата, а самиот обвинителен акт е арбитререн право неиздржан и политички мотивиран, изјави Милошоски.
ПОВРЗАНИ ВЕСТИ
Ковид-19 го одложи судењето за „Моќник“ во кој е обвинет и Антонио Милошоски
МИА/Фото: Фејсбук/Милошоски