Млади иноватори на возраст од 13 до 19 години добија по 120.000 денари за реализација на нивните решенија за намалување на загаденоста на воздухот во и околу училиштата за време на хакатонот организиран од CEED-Hub, со поддршка од Министерството за образование и наука, Бирото за развој на образование, Фондот за иновации и технолошки развој и УНИЦЕФ.
Десет тима од Скопје, Тетово, Струга, Виница, Валандово, Кочани и Велес работеа за да ги разработат своите решенија за намалување на загаденоста на воздухот во и околу училиштата –од подигање ”зелен ѕид“ во близина на училишната ограда, намалување на прашината и чистење на воздухот преку надградба на старите компјутери; подобрување на квалитетот на воздухот со свеќи направени од пчелин восок; зголемена употреба на соларна енергија, промена на однесувањето и поттикнување на адолесцентите на осмислен ангажман во заедниците.
Како што информираат од УНИЦЕФ, ова е втор циклус на програмата UPSHIFT – прва од овој вид во земјата – која претставува комбинација од работилници за социјални иновации со менторство и обезбедување материјали и финансиска поддршка и која им овозможува на младите луѓе да стекнат вештини за претприемништво.
Бенџамин Перкс, претставник на УНИЦЕФ вели дека Програмата е вачна за младите од три причини – им овозможува да соработуваат за да изнајдат иновативни решенија за справување со загаденоста на воздухот што е голем проблем во земјата, со што учат нови вештини за решавање проблеми, комуникација, иновативно размислување, претприемништво, како и дека им овозможува да сфатат каква моќ имаат за промена на некои од горливите предизвици во општеството.
На тридневниот хакатон за „изнаоѓање решенија”, 10 тима од Скопје, Тетово, Струга, Виница, Валандово, Кочани и Велес работеа за да ги разработат своите решенија за намалување на загаденоста на воздухот во и околу училиштата –од подигање ”зелен ѕид“ во близина на училишната ограда, намалување на прашината и чистење на воздухот преку надградба на старите компјутери; подобрување на квалитетот на воздухот со свеќи направени од пчелин восок; зголемена употреба на соларна енергија, промена на однесувањето и поттикнување на адолесцентите на осмислен ангажман во заедниците.
УНИЦЕФ и Фондот за иновации и технолошки развој ќе поддржат спроведување на уште еден UPSHIFT циклус во 2019 год.
Целта е на долг рок да се поддржат Министерството за образование и наука и Бирото за развој на образование да ја воведат UPSHIFT методологијата во редовниот образовен систем и да им се овозможи на наставниците да применуваат докажани и практични техники во наставата кои ќе му помогнат на секој ученик да се здобие со вештини за 21 век.
МИА