еМагазин
Image default
БЕСПАРИЦА

Од Министерство за труд и социјална политика велат дека ја стабилизирале дупката од 15 милијарди денари во ПИОМ

Неодговорното однесување на претходното раководство, погрешните политики и ад-хок покачувања на пензии, надвор од законската рамка за 10 години направи дупка од околу 15 милијарди денари во Фондот за ПИОМ, велат од Министерство за труд и социјална политика.

„Со пензиската реформа на актуелната Влада која стартуваше од почетокот на јануари, обезбедуваме стабилна исплата и континуиран раст на пензиите, без при тоа да се замрзнуваат и да се зголемува старинсата граница за пензионирање. Со Закон воведуваме редовно усогласување на пензиите.

Пензиите ќе се усогласуваат два пати во годината и тоа 100 проценти со порастот на трошоците на живот, наместо 50 проценти како што беше претходно. Воведена е и законска одредба со која што ќе има дополнително усогласување на пензиите од 1 април, доколку бруто домашниот производ во претходната година има реален пораст над 4 проценти“, се вели во соопштението на МТСП.

Од таму велат дека во 2016 година просечната пензија изнесуваше 13.754 денари, во 2017 година 13.954 денари, а во 2018 година 14.421 денари.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Бесплатни банкарски сметки за ранливите категории на граѓани

Редакција

Три компании од Скопје и една од Тетово ја зголемиле цената: Поскапен еден тип на леб

Редакција

Свинското нема да поскапи за Велигден и Први мај

Редакција