еМагазин
Image default
Македонија

МВР: До 19 часот евидентирани 20 случаи на прекршување на избирачкото право

До 19 часот евидентирани се 20 случаи на прекршување на избирачкото право или нарушување на јавниот ред и мир за време на гласањето на денешниот референдум, информира на вечерашната прес-конференција портпаролот на МВР, Тони Ангеловски.

Меѓу евидентираните случаи имало напад на полициски службеник, фотографирање на гласачи, фотографирање на гласачко ливче, спречување на граѓани да гласаат и друго.

Во полициска станица се приведени или повикани 12 лица.

Дел од овие случаи, како што посочи Ангеловски се веќе документирани и поднесени се соодветни поднесоци, а останатите ќе се расчистат во текот на наредните денови.

Тој потенцира дека ова не се целосни бројки затоа што постои можност да се регистрира уште некој случај при крајот на гласањето.

– Денешното референдумско изјаснување на граѓаните на РМ мина мирно, без поголеми нарушувања на јавниот ред и мир, рече Ангеловски и додаде дека МВР целосно се посветила во обезбедување на нормални услови за непречено спроведување на волјата и правото на граѓаните.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Македонија со скок од 24 места според Индексот за перцепција на корупцијата на Транспаренси интернешнл за 2021

Редакција

Пратениците се скараа за работењето на Регулаторната комисија за енергетика и Судскиот совет

Редакција

Амбасадорот Филипов ќе ја кординира македонската група која со грчката ќе преговара за трговските марки

Редакција