Министерството за внатрешни работи информира дека е нормализиран сообраќајот за патнички возила на граничниот премин Ново Село-Златарево, кој беше во прекин поради пожар што избувна на бугарска страна, на самиот граничен премин, вчера околу 16 часот.
Товарни возила се уште не се пропуштаат.
Вчера попладне во голем пожар изгоре административната зграда на царинската испостава „Златарево“ на бугарско-македонската граница. За среќа немаше повредени, а беше направена огромна материјална штета.
„Колегите се обиделе да го угасат огнот, но не успеале. Огнот се појавил во надворешно инструменти, материјалите таму се запаливи – пластика, памук, стиропор. Резултатот е тоа што се гледа“, изјави началникот на Регионална дирекција на гранична полиција во Ќустендил, Васил Митов.