еМагазин
Image default
Македонија

На судењето за „Траекторија“ сослушан сведок за вештачењето за автопатот Кичево-Охрид

Судењето за постапката за избор на компанија за изградба на автопатиштата Миладиновци – Штип и Кичево – Охрид, „Траекторија“ продолжува на 13 ноември.

Случајот го води судијата Горан Бошевски, а застапник на обвинението е Лиле Стефанова.

На денешното рочиште беше сослушано вешто лице, кое што одговараше на прашања на одбраната за неговото вештачење изработено 2016 година за автопатот Кичево-Охрид, на барање на обвинителството.

Најголемиот дел оа прашањата поставени од обвинетиот Миле Јанакиевски беа за начинот и податоците користени за изработка на вештачењето за споредба на предлог цените понудени од компанијата „Синохидро“ за автопатот Кичево-Охрид од ноември 2013 година и цените од компанијата „Актор“ за делницата Демир Капија-Смоквица од март 2012 година.

Предметот се наоѓа во доказна постапка и во него се обвинети поранешниот премиер Никола Груевски, кому му се суди во отсуство, ексминистерот за транспорт и врски Миле Јанакиески, поранешниот вицепремиер Владимир Пешевски и ексдиректорот на ЈП Државни патишта, Љупчо Георгиевски.

Според обвинението, обвинетите во втората половина на 2012 година и во текот на 2013 година презеле повеќе дејства со кои во постапката за избор на компанија за изградба на автопатиштата Миладиновци – Штип и Кичево – Охрид ги искористиле и ги пречекориле своите овластувања. Со тоа му нанеле штета на буџетот од најмалку 155 милиони евра.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Скопскиот Кривичен суд утре ќе проверува, дали до нив воопшто дошло сведочењето на Камчев за „Рекет“

Редакција

Сите детали: Што предвидува законот со кој се отежнува организирањето на протести

Редакција

Партијата на Солза Грчева поднесе претставки за обид за референдумски поткуп од страна на Заев

Редакција