еМагазин
Image default
Спорт ТОП СТОРИИ

Најтрофејниот македонски автомобилист Иџе обвинува дека е заборавен од Агенцијата за млади и спорт

Најтрофејниот македонски автомобилист Игор Стефановски-Иџе обвинува дека е заборавен од Агенцијата за млади и спорт и дека од парите за Автомобилистичката федерација, тој добил нула денари.

По овој повод тој најави и прес-конференција, но во меѓувреме, го пренесуваме неговиот фејсбук-статус:

„Македонското сонце секогаш ќе го осветлува покривот на мојот болид, но со ваквите неспортски потези Агенцијата за млади и спорт (АМС) не заслужува спортска промоција во иднина од моја страна.

Наместо Агенцијата за млади и спорт да биде најголемиот сојузник на врвните спортисти, таа стана најголемата пречка за постигнување на врвни спортски резултати. Срамно е за институцијата која ме има прогласено за најдобар спортист на Македонија за 2014 година, која ми го има доделено највисокото Национално спортско признание и тоа како резултат на моите спортски успеси, оваа година и оваа натпреварувачка сезона, едноставно да ме заборави.

Во услови кога ја имам најголемата поддршка од мојот народ, отсуствува институционалната поддршка. Несвојствено е како најтрофејниот македонски автомобилист од вкупно ???? милиони денари кои се доделени на Автомобилистичка федерација за 2019 година да добие 0 (нула) денари од редовните буџетски средства и од средствата од Игрите на среќа…!!!

Секојдневно добивам безброј пораки од моите македонски фанови со прашањето: Зошто не се натпреварував во европскиот шампионат и дали ќе може да ме гледаат и наредната сезона на најпознатите европски трки каде пред две години бев претендент за титула?

Едноставно е срамно да се каже дека единствената причина за мојата натпреварувачка пауза е тоа што сум заборавен од единствената институција во Македонија која е задолжена за развојот на спортот и поддршка на македонските спортисти“.

фото:Фејсбук/Иџе

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Шоферот е во стабилна состојба, најголем дел од загинатите се од Гостивар

Редакција

Приведен градоначалникот на Демир Хисар

Редакција

Детален преглед: Заболени, излекувани и починати од коронавирусот по градови

Редакција