еМагазин
Image default
Македонија

Најверојатно ќе остане пратеник: Пратениците на пленарна ќе одлучуваат за мандатот на Груевски

Пратениците во Собранието на Република Македонија денеска на пленарна седница треба да одлучуваат за одземање на мандатот на пратеникот од ВМРО-ДПМНЕ, Никола Груевски.

За да се оствари тоа потребно е двотретински мнозинство што се поизвесно е дека нема да биде овозможено, со оглед на тоа што независната пратеничка група на ВМРО-ДПМНЕ и „За заедничка Македонија“ се изјаснија дека нема да го поддржат предлогот на Комисија за деловнички и мандатно-имунитетни прашања.

Собраниската Комисија со мнозинство гласови во средата го прифати барањето на судот да му се одземе пратеничкиот мандат на Груевски заради издржување на двегодишната затворска казна за набавката на луксузниот мерцедес во предметот „Тенк“ на Специјалното јавно обвинителство што пак одлуката на пратениците не го одложува извршувањето на казната

Барањето за одземање на мандатот на Груевски е според членот 59 од Деловникот на Собранието на РМ. Со него се предвидува за пратеникот осуден за кривично или друго казниво дело што го прави недостоен за вршење на пратеничката функција, известување до претседателот на Собранието да достави судот кој ја изрекол казната.

Со овој член од собранискиот Деловник е предвидено Предлог за одземање на мандатот на пратеник да поднесе Комисијата за деловнички и мандатно-имунитетни прашања, во рок од 15 дена од денот на добивањето на известувањето од претседателот на Собранието.

По предлогот на Комисијата за деловнички и мандатно-имунитетни прашања за одземање на мандатот на пратеникот, Собранието води претрес на првата наредна седница, а претресот може да заврши со донесување одлука за одземање на мандатот на пратеникот или со заклучок дека нема елементи за одземање на мандатот на пратеникот.

За да му биде одземен мандатот на Груевски на Собранието му е потребно двотретинско мнозинство.

Груевски вчера требаше да се јави на издржување на затворската казна. Но тој и неговите адвокати поднесоа жалби против решението на судијата за извршување санкции кој постапува по предметот.

Од судот информираат дека од денеска тече рокот од три дена во кои Кривчниот совет треба да донесе одлука по жалбите.

МИА

ПОВРЗАНИ ВЕСТИ

Судот има три дена да одлучи дали Груевски ќе оди во затвор

Кој дојде да му даде подршка на Груевски на протестот за правда

На Комисија во Собрание изгласано одземање на мандатот на Груевски, конечната одлука на пленарна седница

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Нема крај на партиските бурлески: ВМРО-ДПМНЕ бара амнестија, СДСМ нуди помирување

Никола Осило

Амди Бајрам ќе собира гласови за да стане претседател со „Амди-кола“

Редакција

За десет години бројот на основци се намалил за 13.5 отсто, а на средношколци за дури 24.4 отсто

Никола Осило