Управата за јавни приходи (УЈП) ја објави новата листа на должници за долгови доспеани до 30.11.2019 и неплатени до 29.02.2020 година по основ на ДДВ, данок на добивка, персонален данок на доход, придонеси од задолжително социјално осигурување, акцизи и царини, за кои вкупниот износ на долгот е повисок од 120.000 денари за физичките лица и самостојни вршители на дејност и повисок од 300.000 денари за правните лица.
На листата на должници бр.03/2020 објавени се 1.765 должници – правни лица (помалку за 306 од претходната листа) и 2.321 физички лица (помалку за 208 од претходната листа).
Вкупно објавениот нето долг изнесува 8.976.624.312 денари (околу 145 милиони евра), помалку за 1.218.924.448 денари од претходната листа.
Нето-долгот за даноци и придонеси изнесува 8.791.372.146 денари (помалку за 1.218.924.448 денари од претходната листа), додека долгот за царински давачки е 185.252.166 денари (без промени од претходната листа).
ПОВРЗАНИ ВЕСТИ
Топ пет најголеми должници на УЈП: ТЕ-ТО повторно на врвот