Францускиот претседател Емануел Макрон во интервју за британски Економист вели дека НАТО е на умирање, а Европа е на раб на бездна.
Тој ги предупреди членките на европските земји дека веќе не можат да се потпираат на САД, односно дека од САД веќе не може да се очекува да застане во одбрана на земјите членки на НАТО.
„Она низ што минуваме во моментов може да се опише како клиничка смрт на НАТО. Европа е на работ на бездната“, вели Макрон.
На овие констатации на Макрон реагираше германската канцеларка Ангела Меркел, која вели дека речникот што го употребил Макрон бил суров и му порача дека не го дели неговото гледиште.
Официјалната портпаролка на министерството за надворешни работи на Русија, Марија Захарова пак изјавата на Макрон дека НАТО е „клинички мртов“ ја нарече вистинска сотојба на Северноатлантската алијанса.
„Златни зборови. Вистински зборови кои ја одразуваат вистинската состојба во НАТО. Меѓутоа, постои едно „но“. Како конкретно Европа може да ја контролира својата судбина? 20 век – две светски војни, 19 век и понатаму наназад низ вековите – бескрајни локални војни и „извоз на идеологии“ со помош на оган и меч“, напиша таа на Фејсбук.
ПОВРЗАНИ ВЕСТИ