еМагазин
Image default
ЖИВОТ

Нема влошување на здравствената состојба на некои од повредените во ГОБ „8 Септември“

Нема влошување на состојбата од витално живото загрозувачки карактер на некои од повредените во завчерашната сообраќајна несреќа на автопатот Скопје-Тетово, кои се сместени во Градската општа болница „8 Септември“, изјави попладнево директорот на таа јавна здравствена установа Христијан Костов.

Посочи дека двајцата повредени кои во критична состојба се мажи на возраст од 40 до 50 години и имаат повреди на мозокот, интрацеребрални крварења и се под контрола на неврохирург.

– Засега се во стабилна состојба. Како ќе се развива клиничката слика не знаеме, ќе покаже времето. Најмладиот пациент на возраст од 15 години е опериран синоќа и е во добра состојба, истакна д-р Костов.

Потенцира дека од 28 згрижени пациенти во ГОБ „8 Септември“, шест денеска се пуштени на домашно лекување.

– Од другите 22 пациенти пет се во Одделот за интензивно лекување, двајцата кои се во критична состојба се на механичка вентилација, а другите тројца се оперирани и се во добра општа состојба. Кај дел од останатите 17 пациенти кои се по другите оддели се прават допонителни иследувања, а кај некои од нив со скршеници ќе им се направи интервенција. Тројца кои се оперирани на стомачната шуплина се во стабилна општа состојба – рече Костов.

Нагласи дека семејствата на повредените добиваат соодветни информации за нивната состојба и веќе е организирана и посета на повредените од полесен карактер.

– Ги имаме сите крвни деривати. Има луѓе кои доброволно даруваат крв, додаде д-р Костов.

Претходно. министерот за здравство Венко Филипче изјави дека во Клиничкиот центар се лекуваат осум пациенти од кои четворица се на Клиниката за анестезија, реанимација и интензивно лекување, по еден пациент има на клиниките за трауматологија, неврохирургија, торакална хирургија, а една бремена жена се лекува на Клиниката за гинекологија и е во добра општа состојба.

Додаде дека четворицата пациенти кои се сместени во КАРИЛ се во тешка состојба.

МИА

ПОВРЗАНИ ВЕСТИ

„Дурмо турс„ сам на себе си правел технички преглед: Лавина од реакции на социјалните мрежи

(Видео) Сопственикот на „Дурмо турс“ за несреќата за „Телевизија 24“ вели: Веројатно станува збор за здравствен проблем на возачот

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Четири месеци откако почина, Јана ја „доби“ долгата судска битка што ќе ѝ дадеше шанса да се лекува во странство

Редакција

Манчевски се пошегува на негова „сметка“: Министерската функција те заглупавува

Редакција

Латас поднесе оставка од местото главен и одговорен уредник на „Сител“, поради притисоци

Редакција