еМагазин
Image default
Локално

Неофицијално, и еден од полицајците починал како последица од сообраќајката на скопската обиколница

Дежурен јавен обвинител од Основното јавно обвинителство Скопје изврши увид на местото на тешката сообраќајна несреќа на скопската обиколница, во која попладнево едно лице го загуби животот, а три се повредени, меѓу нив и двајца полициски службеници.

-Според првичните сознанија, несреќата се случила кога сообраќајна полициска патрола запрела возило „бмв“ со гостиварски регистарски таблички кое возело со брзина поголема од дозволената.

Додека полициските службеници разговарале со возачот на автомобилот, на нив налетал камион со скопски регистарски таблички. Од ударот, автомобилот „бмв“ се запалил и целосно изгорел. Притоа, на самото место животот го загубил совозачот во автомобилот „бмв“, стои во соопштението од Обвинителството.

По наредба на јавен обвинител ќе се врши обдукција врз починатото лице, додека од возачот на камионот ќе бидат земени примероци од крв и урина заради испитување на присуство на алкохол или други супстанции кои би можеле да влијаат на неговата способност за управување со превозно средство.

Врз камионот ќе се врши вонреден технички преглед со цел да се утврдат причините за несреќата, се наведува во соопштението.

Неофицијално, дел од медиумите јавуваат дека починал и еден од полицајците кој беше тешко повреден.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Вработен во ЈСП – Скопје заразен со корона вирусот

Редакција

Скопјанец во алкохолизирана состoјба физички ја нападнал ќерка си

Редакција

ЈСП: Наши автобуси не беа предмет на акциската контрола на полицијата

Редакција