Министерот за здравство на Србија, Златибор Лончар, по посетата на повредените во автобуската несреќа во Бугарија, изјави дека на еден патник му била ампутирана ногата, а не на возачот, како што беше претходно објавено, пренесе Бета.
„Еден човек беше опериран и не се работи за возачот за кој се шпекулираше дека му ја ампутирале ногата, туку за татко на дете кому му е ампутирана потколеница“, изјави Лончар за РТС.
Тој додаде дека две момчиња на возраст од десет и единаесет се на интензивна нега и ќе бидат префрлени во Софија.
Едниот од нив ќе биде префрлен на Детска неврохирургија на „Пирогов“, а другиот на операција, јавуваат бугарските медиуми.
„Другите деца се добро, ги посетив сите“, изјави Лончар.
Се формира амбулантна организација за носење на децата до граница, од каде што ќе бидат преземени од српските власти.
На возачот на автобусот му е одреден 24 часовен притвор.
ПОВРЗАНИ ВЕСТИ
Во Бугарија се преврте автобус со деца од Србија, четворица потешко повредени