еМагазин
Image default
Бизнис ТОП СТОРИИ

Никој нема да одговара за утката за промоција на Македонија со фотографија од Германија

Никој нема да одговара за утката за промоција на Македонија со фотографија од Германија на платформата „Дома си е дома„, што предизвика лавина од негативни реакции на социјалните мрежи и во јавноста.

Тоа произлегува од одговорот на прашање на еМагазин, дали некој ќе одговара за пропустот, до Министерството за економија, кое ја подготви платформата, а на која работеше тамошниот Сектор за туризам и угостителство.

“Сликата поставена на платформата е веќе сменета и за грешката Министерството за економија се извинува на граѓаните, ако таа предизвикала забуна, но потенцираме дека истата е ставена само како илустрација за природа, која немаше цел да промовира или назначи одредена дестинација во Република Северна Македонија.

Напоменуваме дека во моментот платформата има функција да генерира ваучери за вработените и да им овозможува на угостителските објекти да се пријават на истата за користење на ваучери за одмор.

Платформата ќе биде дополнително доградена со промотивен дел, односно слики и податоци за туристичките потенцијали на Република Северна Македонија, кои што граѓаните ќе можат да ги посетат за време на користењето на ваучерите, односно од 15 јули.

Уште еднаш сакаме да укажеме дека Министерството за економија во моментот на поставување на сликата беше фокусирано на функционалноста на платформата, се со цел граѓаните навремено да ги добијат ваучерите и угостителските објекти да можат на истата да се пријават за користење на истите“, стои во одговорот на прашањето на еМагазин.

ПОВРЗАНИ ВЕСТИ

Урнебесни реакции на социјалните мрежи за утката за промоција на Македонија со фотографија од Германија

Срамота: Министерството за економија ја утна фотографијата на платформата „Дома си е дома“

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

19 починале: Вкупно 11.113 лица по вторпат се заразиле со Ковид-19

Редакција

Три лица ограбиле банка во центарот на Скопје, едно од нив испукало куршум

Редакција

Нови 365 случаи на Ковид-19 од 2.820 тестирања

Редакција