Министерот за надворешни работи Никола Димитров, кој извесно време се споменува како можен кандидат за претседател на државата, не ја исклучува можноста да се кандидира за оваа функција.
Во емисијата „Отворено“ на телевизија „24 Вести“, Димитров рече дека е чест што се спомнува негово име како можен кандидат за претседател и одговори потврдно на новинарското прашање дали ќе се кандидира, притоа додавајќи дека не е во фаза во која може многу подиректно да одговори.
„Сега ние сме во еден важен процес на консултации, се проверува мислењето на граѓаните и коалициските партнери. Мислам дека има многу имиња што се одлични од овие што се споменуваат. Јас сум повеќе искрен, отколку скромен. Во секој случај, што се споменува моето име е чест“, рече Димитров.
Фото: Влада
ПОВРЗАНИ ВЕСТИ
Како зборот консензуален стана нова придавка во изборите за претсeдател?
СДСМ го мери рејтингот на десет можни кандидати за претседател на државата
За што се подготвува Влатко Ѓорчев?