еМагазин
Image default
Македонија

Нови рочишта за „Титаник“, „Тотал“ и „Трезор“ на СЈО

Во Кривичниот суд за денеска се закажани нови рочишта за предметите на Специјалното јавно обвинителство (СЈО), „Титаник“, „Тотал“ и „Трезор“.

Предметот „Титаник“, што се однесува на изборни нерегуларности, се наоѓа во доказна постапка. На претходното рочиштето беа изведувани материјални докази. Обвинителката Лиле Стефановска посочи дека има околу 5.900 материјални докази.

Судијата Осман Шабани на минатото рочиште констатираше дека бил известен од адвокатите на обвинетиот Никола Груевски, кој е во бегство во Унгарија, дека го откажуваат полномошното за негово застапување во постапката.

Во овој случај обвинети се поранешниот премиер Никола Груевски, Кирил Божиновски, Миле Јанакиески, Гордана Јанкулоска, Билјана Бришкоска Бошковски, како и Илија Димовски, Мунир Пепиќ, Едмонд Темелко, Леко Ристовски, Кирил Тодоровски, Катерина Веловска, Станко Коруновски, Коста Марковски, Драгче Драгчески, Марјан Накевски, Гоце Јаневски, Џезми Ахмет, Роберт Давитков, Далибор Алешковиќ и Ленка Рашајковска.

Тие се осомничени за злосторничко здружување, повреда на избирачкото право, повреда на слободата на определување на избирачите, поткуп при избори и гласање, уништување изборен материјал и злоупотреба на средства за за финансирање изборна кампања.

Судење денеска е закажано и за случајот „Трезор“, каде првообвинет е поранешниот директор на УБК Сашо Мијалков, поранешниот шеф на неговиот кабинет Тони Јакимовски, поранешниот помошник-министер во МВР Небојша Стајковиќ и поранешениот началник на Петтата управа во МВР Горан Грујевски.

Тие се товарат за злоупотреба на службената положба и овластувања и предизвикување штета на Буџетот во висина од 862.045 евра за набавката на електронско-комуникациска опрема за потребите на Петтата управа при УБК и обука за нејзино користење од фирма од Велика Британија.

На обвинителна клупа денеска треба да седне и новинарот Драган Павловиќ-Латас, кој е  обвинет за даночно затајување во случајот „Тотал“.

Овој предмет се однесува на даночно затајување од страна на Павловиќ-Латас како сопственик и управител на фирмите за маркетинт и конслатинг услуги „Тотал маркетинг“ ДООЕЛ Скопје, „Медиамакс“ и „Тотал Медиа Центар“ ДООЕЛ Скопје.

Павловиќ-Латас се товари дека во периодот од 2008 до 2015 заедно со правни лица со намера да одбегнат плаќање даноци во завршните сметки и даночните пријави давале лажни податоци. Правните лица го оштетиле буџетот за 121 илјада евра, а Павловиќ-Латас за 63 илјади евра.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Неспроведувањето на возачот на „Дурмо турс“ го одложи рочиштето за несреќата кај Ласкарци

Редакција

Во Македонија регистриран првиот случај со новата варијанта на Ковид-19, „кракен”

Редакција

На новинарите им е забранет пристапот до црквата Свети Спас, ЗНМ со остра реакција

Редакција